Sunday, January 3, 2010

విధ్వంసం వినోదం


కరిగిపోతున్న నిలువెత్తు మంటల మంచు పలకలా మనిషి.
మనిషి చేతిలో నోరుపట్టనంత అన్నం ముద్ద
ఎండిన భూగోళంలా
అడవుల అన్వేషణలో
కార్పొరేట్ విమానాలు..
తూనీగల్ని నేలరాల్చుతున్న తూటాలు..
పారిపోతున్న ఆదివాసీల
వెన్నుపూసల చుట్టుకొలతల్ని కొలుస్తున్న లాఠీలు..
అభివృద్ధి మైనింగ్‍లో
మానవ కళేబరాల మహావిష్కరణ
పంచభూతాలను
కాలికింద తొక్కిపట్టిన మానవుడా!
నీ నెత్తిమీద కురుస్తున్న
ఆ మృత్యు హిమవర్ష సంగీతాన్ని
విన్నావా?

కాళ్ళు ఉద్యమించలేవు..
కళ్ళు ద్రవించలేవు
చేతులు కత్తులు కాలేవు
గళాల చుట్టూ కనపడని నిగళాలు
అరవయ్యో అంతర్జాతీయ
మానవ హక్కుల డిక్లరేషన్
మనిషి నోటికి పట్టిలా అతుక్కుపోయింది

No comments:

Post a Comment